وليت اغم وكتي علي .. ولاج
وصرت لقمة بحلق شمات .. وانلاج
بعض مرات صح انضنك .. ولاج
بس أدعي الله تفرج علية
يلبهمك ملابس .. لابستني
وثوب الحزن بيدك .. لابستني
رحت لا صالحتني .. لا بستني
ولا كتلي جذب حقك علية
العمر ماي وتبدة كلف .. لمّة
وعلي نكبات هجرت صفت .. لمة
كلتلة شوكت تفرح كال .. لما
اشوف جنازتك تمرك علية
تسودن دهري وعضني .. برحّاه
واصيح احاه خلاني .. برة احاه
عضتة ما كفت حطني .. براحاه
حنت راحتة وما حن علية
اريد الزم خديدك .. واشتمنة
واريد انعل ابيك .. واشتمنة
تدري شراد قلبي وشتمنة
على صدرك اموت وهاي هية
اطلبه وأجا وفّاني .. سواه دين
شدهني وصارت براسي .. سوادين
يحقلي احزن عليك البس .. سوادين
الوجه والثوب اصبغهن سوية
انة الما يوم خلّة وياك .. خليت
شجاك وبالظهر سجين .. خليت
شعندي وشبعد يا ترف .. خليت
صفت حتى البدي هم موش الية
اوعي بالضماير ردت .. يوعان
طحت ما شفت واحد كام .. يو عان
بدي وقلت اخوي الجان .. يوعان
مسح حلقة بقميصي وعض ادية
ساعة الوقت مشراكة .. سعافاي
وعلي بجفاك ما تلحق .. سعافاي
جنت نخلة ويفيي الهم .. سعافاي
وعلى قرصة خبز شيموا بية
ارضعتني الدنية همهة .. من نهدهة
صحت والصيحة صيحة .. من اهدهة
والله بصدري حسرة .. من اهدهة
ابجّي المن صخر قلبة علية
البشر معدن تعرفة بيوم .. ينحاك
يوم التوقع ومكسور .. ينحاك
علي خيط المصايب قام .. ينحاك
والتكتلك اخوي الحاكة الية
Tags:
مقالات متميزة
Leave a comment
حياكم شاركونا برايكم..