اليعجبه بقلبي يسكن لا يجرحه
والما عاجبه خلي يتنحه
هاي الناس ثاري تسبب امراض
خيرهم صحبته تسوي قرحه
اريد ابتعد عنهم قبل ما اموت
مدام الله بعد منطيني صحه
اطقهم شلع حتى المستعز بي
الكتبته بمي ذهب هم امسحه
ربعي تربعو فوق ويدبجون
اضربلك مثال انطيك لمحه
واحد كل دقيقه يريد تقرير
بيش الساعه انام ويمتى اصحى
ويا هو المر عليك وياهو حاجاك
الي نصب روحه شرطي اليوم اسرحه
والثاني شغلته منيلك هاذ
وشلون اشتريته .. شهل ملحه!
بيش منين ليش وانته شعليك
متفضل علي منطيني منحه ؟
وواحد حاط روحه بسلعة البيت
كل شي تقوله عاطل قال اصلحه
ما قصر قبل من ايده للجول
العليه عرفني يا مشعول صفحه !
وواحد عود يتمنالك الخير
يقرالك دعاء صدرك ايشرحه
اول ما يروح اهلك يصخنون
الحاسد من يجيك اعيونه رمحه
طيب جنت قلبي وبابي مفتوح
بالبرده بعد ما خلي فتحه
ولا تسألني هيج تصرف وهيج
ولا تنصحني هيج تصرف وهيج
النصيحه اتقول قافل لا تنصحه
احطلها لحن خاطر تفهمون ؟
احجيها انكليزي احجيها فصحى ؟
ابوجه واحد عشت ماعندي وجهين
هذا الكائن الما شاف فرحه
هذا اليبتسم من فشلة الناس
بتقاسيمه تعرفه شكثر ضحه
عـوفـونـي رجـاءاً آنـا عـاشـور
دورو عـالـفــرح يـم عـيـد الاضــحى
Leave a comment
حياكم شاركونا برايكم..