ابوذيات

اخوك شما عمل وياك حية
اكرمه ولاتدور عليه حيه
اذا عاف اللبن وانكلب حيه
الزمن عكرب يلدغة القاط مية

صديقي وياي صاير مستحيله
وانه المايستحيلي مستحيلة
عشرتي وياك صارت مستحيلة
وانة الممنون اذا تكط الجية

اخذ من الگلب تك وترك تك
وميت انة من يومن تركتك
صوت اجدامك منسمع ترك تك
اكومن جثة واخذلك تحية

انت الصديق لو مال الوكت ما مال
يربطني بيك الوفه لامصلحه ولا مال
انساك لحضه من الوكت لاتعتقد اهمال
لكن زماني صعب وبيه انذال

الك مني سلام والف مرحب
شكثر مرت صداقة وشكثر مر حب
وحك الي طبر بالسيف مرحب
تظل انت صديق واخو اليه

يحسون
هلك بأسمك ينادونك يحسون
وسبع خدام للكَـذله يحسون
اريداسطي واخاف اهلك يحسون
واخاف جلابكم تنبح عليه

حضنه
جنه من الدفواياناس حضنه
تعبنه وماكعد وياه حضنه
ماردت بوسه بس ردت حضنه
ومن احضنك العباس ميخلصك من ايديه

على شفاي
مريض وصعد مرضي على شفاي
وطب لندن فلاكادر على شفاي
يامحب من تحط شفتك على شفاي
اطيب وكل مرض مايبقه بيه

راسي
سهول الناس عندي وانت راسي
سفن غركَت بحري وانت راسي
انت صديقي واخوي وتاج راسي
واعز منك ترى ماكو عليه

خاوه
ذبـل عرش الكَلب لجلك وخاوه
وطمع ماريد من عندك وخاوه
الفخرموللذي عاشر وخاوه
الفخر والطيب لليذكراخيه

غابت
وحق الي عليه الشمس غابت
شكثرخوان وقت الضيق غابت
وشكد مصايب صارت وغابت
وضلت بس الشماته تّمرعليه

عناي
اريداكَطع طريق الشوق عناي
واسولف للوفي من الناس عناي
صديقي اليرد الضيم عناي
ويوم الضيق يصبح درع اليه

These icons link to social bookmarking sites where readers can share and discover new web pages.

• 
• 
• 
• 
• 
• 
• 
• 
• 
• 
•